Ag meleyim

Sen dalgalarin sahilime getirdiyi ag mirvari
Sen qishima ovcunda gunesh istisini getiren ag melek
Sen semadan qoparib sineme taxdigim ag ulduz
Sen sevgi sheirlerimi yazmaq istediyim ag sema
Sen ag gilasim, ag tutum ve ag gecem
Sen ag sabahim, ag dunenim, ag gunum,
Sen agappaq heyatim, ag kefenim.
Biz bir omur birlikde…
bir omur birlikde…
bir omur.

Armuda lenet

Bir gun anlasaydim seni
Bir gun anlada bilseydim ozumu
Bir gun dinleseydim seni
Bir gun dinlede bilseydim ozumu
Bir gun gulseydim sene
Bir gun guldure bilseydim ozume
Bir gun aglasaydim
Bir gun aglada bilseydim seni
Bir gun yorulsaydiq, otursaydiq,
danissaydiq, oynasaydiq
heyatimizi qursaydiq oyun kimi
alma desem gelersen
armud desem...
armud demerem de axi.
Armuda lenet.

Qağayılar gəbərmişlər

Ürəyimi dənizə atmışdım bulvarda ürəksizcə.

Ümidlərimi...

Sevgi tapmaq ümidlərimi

qağayıların qanadlarına bağlayıb

buraxmışdım dalğalarda axtarışa.

Təravətimi skamyaların altında

gizləmişdim səni görəcəyim günçün...

Hisslərimi qaranlıq bir küncdə,

tək dayanmış qoca ağacın budaqlarına bağlamışdım

tez tapım deyə...

İndi o ağacın yerində bina tikilir.

Dəniz çirklənmiş,

Skamyaların yeri qəsdən dəyişdirilmiş,

Qağayılar gəbərmişlər...

...Və indi məni evə aparan yolların da bağrını yarırlar.

Sorğu-sual

Ah, bu axmaq başım.

Qızım sənə deyirəm...

Ürəyim sənə də aiddi bu.

Nə gördüz, axı onda,

Başqasında olmayan?

Heç gördüzmü bir çiçək,

Zamanında solmayan?

Soldu o da.

Küləyə qoşulub getmiş

Vəfasız bir xəzan

Oldu o da.

Bəs sizə, sizə nə qaldı?

Ağrımaq.

Di ölün axmaq uşağı, axmaq.

O zamanlar

O zamanlar sevgi vanil qoxuluydu mənimçün.

Hə, ciddi deyirəm.

Kinolardakı kimi,

Yox, 3 yaşlı uşaqlar kimi şirin görsənirdi mənə.

Aşiq olmaq istəyirdim yenə-yenə, dönə-dönə.

Keçdi o zamanlar.

Atdım o göyərçinli təqvimi də masamdan.

Vanil qoxusundan da irgəndim sayəndə,

Kinolardan da.

Qorxuram artıq şirin görsənən

Uşaqlardan da.

Nə?

Yox, hə, yox...

Hə, darıxıram.

Nə etməli?

Bacarmıram.

Yadındamı?

Yadındamı o qaynar yay günü?

Yadındamı o qaynar öpüşlər,

Yarıgizli, yarıaşkar görüşlər?

Yadındamı o hərarətli baxışlar?

Yadındamı?

Nə vardı ki, bu sevgidə onlardan başqa?

... və nə qaldı ki, onlardan savayı?

Üfürdük ovcumuzun içindən

Sevgi tozlarını havaya... havayı...

Yadındamı akasiya ağacı,

Atatürk parkı, Bakı zooparkı?

Heç demirəm Lunaparkı...

Eh.

xain hissəcik

Bütün gücüm və müdrikliyimlə,
Bütün səbrim və çılğınlığımla,
Bütün azadlığım və yetkinliyimlə,
Bütün gülünclüyüm və insanlığımla
Sevirəm səni...
Amma sanki özümü tam verməmişəm bu sevgiyə.
Axtarıram sənin əlinin çatmadığı o tək xain hissəciyi
Təhvil verməkçün əllərinə-
Satmaqçün gözəlliyinə...