Armuda lenet

Bir gun anlasaydim seni
Bir gun anlada bilseydim ozumu
Bir gun dinleseydim seni
Bir gun dinlede bilseydim ozumu
Bir gun gulseydim sene
Bir gun guldure bilseydim ozume
Bir gun aglasaydim
Bir gun aglada bilseydim seni
Bir gun yorulsaydiq, otursaydiq,
danissaydiq, oynasaydiq
heyatimizi qursaydiq oyun kimi
alma desem gelersen
armud desem...
armud demerem de axi.
Armuda lenet.

Qağayılar gəbərmişlər

Ürəyimi dənizə atmışdım bulvarda ürəksizcə.

Ümidlərimi...

Sevgi tapmaq ümidlərimi

qağayıların qanadlarına bağlayıb

buraxmışdım dalğalarda axtarışa.

Təravətimi skamyaların altında

gizləmişdim səni görəcəyim günçün...

Hisslərimi qaranlıq bir küncdə,

tək dayanmış qoca ağacın budaqlarına bağlamışdım

tez tapım deyə...

İndi o ağacın yerində bina tikilir.

Dəniz çirklənmiş,

Skamyaların yeri qəsdən dəyişdirilmiş,

Qağayılar gəbərmişlər...

...Və indi məni evə aparan yolların da bağrını yarırlar.

Sorğu-sual

Ah, bu axmaq başım.

Qızım sənə deyirəm...

Ürəyim sənə də aiddi bu.

Nə gördüz, axı onda,

Başqasında olmayan?

Heç gördüzmü bir çiçək,

Zamanında solmayan?

Soldu o da.

Küləyə qoşulub getmiş

Vəfasız bir xəzan

Oldu o da.

Bəs sizə, sizə nə qaldı?

Ağrımaq.

Di ölün axmaq uşağı, axmaq.

O zamanlar

O zamanlar sevgi vanil qoxuluydu mənimçün.

Hə, ciddi deyirəm.

Kinolardakı kimi,

Yox, 3 yaşlı uşaqlar kimi şirin görsənirdi mənə.

Aşiq olmaq istəyirdim yenə-yenə, dönə-dönə.

Keçdi o zamanlar.

Atdım o göyərçinli təqvimi də masamdan.

Vanil qoxusundan da irgəndim sayəndə,

Kinolardan da.

Qorxuram artıq şirin görsənən

Uşaqlardan da.

Nə?

Yox, hə, yox...

Hə, darıxıram.

Nə etməli?

Bacarmıram.

Yadındamı?

Yadındamı o qaynar yay günü?

Yadındamı o qaynar öpüşlər,

Yarıgizli, yarıaşkar görüşlər?

Yadındamı o hərarətli baxışlar?

Yadındamı?

Nə vardı ki, bu sevgidə onlardan başqa?

... və nə qaldı ki, onlardan savayı?

Üfürdük ovcumuzun içindən

Sevgi tozlarını havaya... havayı...

Yadındamı akasiya ağacı,

Atatürk parkı, Bakı zooparkı?

Heç demirəm Lunaparkı...

Eh.

xain hissəcik

Bütün gücüm və müdrikliyimlə,
Bütün səbrim və çılğınlığımla,
Bütün azadlığım və yetkinliyimlə,
Bütün gülünclüyüm və insanlığımla
Sevirəm səni...
Amma sanki özümü tam verməmişəm bu sevgiyə.
Axtarıram sənin əlinin çatmadığı o tək xain hissəciyi
Təhvil verməkçün əllərinə-
Satmaqçün gözəlliyinə...

Anlayammıram

Sən yoxkən yanımda

Yasəmənlərmi qoxusuz,

Ya burnummu qripli?

Anlayammıram.

Sən yoxkən yanımda

Filmlərmi ağ-qara,

Ya televizormu nasaz?

Anlayammıram.

Sən yoxkən yanımda

Mahnılarmı sözsüz,

Dünyamı səssiz?

Anlayammıram.

Yanımda olsan

Yanımda olsan,

Bir çay içsək eklerlə

Baxa-baxa sevimli filmimizə.

Danışsaq gələcək planlarımızdan-

Sənin nümunəvi arvad,

Mənim nümunəvi ər olacağımdan.

Gülsək, qucaqlaşsaq və öpüşsək

Reklam fasilələrində.

Yanımda olsan,

Darıxmazdım beləcə.

Yadıma düşməzdi şeir yazmaq.

Doyumsuzluq

Səni sevməkdən doymayan həyatım,

Səni duymaqdan doymayan arzularım,

Səni qucmaqdan doymayan gözlərim,

Sənə səcdədən doymayan hislərim var.

Əllərim var-səni öpməkdən doymayan.

İllərim var-sənin olmaqdan doymayan.

Bir də bir dünyam var –

başına dönməkdən doymayan.

16 iyun

Sən ad günündən qaçıb gəlmişdin,

Mən isə xəstə-xəstə

Yatağımdan qaçdım o gün.

İlk görüşümüz idi, ilk!

Yayın ən isti günlərindən biri

Bədənim qızdırma içindəydi-

Səni görənə kimi.

Səni gördüm sanki,

Dünyanın ən sağlam insanı oldum.

Tibbi cihazları şoka salacaq qədər

Sağlam.

Ad günün idi sənin.

Ürəyi dolu, əli boş gəlmişdim

Ilk görüşümüzə.

Bağışla, sənə heç nə bağışlamadığım üçün

Həmin gün...

Hələ də utanıram.

Qızılgül qoxusu verirdi gözlərin.

Günəş kimi parıldayırdı ürəyin.

Səni dünyalar qədər sevdim.