xatırlayajan!!!:)

Uzun zaman keçəcəkdir,
O vaxtacan milyon külək
Qapınızdan ötəcəkdir,
Milyonlarla çiçək çöldə
Açacaqdır, öləcəkdir,
Xatırlayacaqsan məni.

Çoxu səni sevəcəkdir,
Milyardlarla yağış
Küçənizə düşəcəkdir,
Dodaqların bəlkə xeyli güləcəkdir,
Gözlərin düşünəcəkdir-
Xatırlayacaqsan məni.

Otlar çox yaşıllanacaq,
Qızılgüllər allanacaq,
Günəş xeyli parlayacaq,
Dənizlər bəlkə də bizə
Qəzəbindən çağlayacaq,
Buludlar çox ağlayacaq-
Xatırlayacaqsan məni.